DUA

ALLAH ki azmat o qudrat per etmad rakhtay hua uski bargah mein apni hajat k izhar ka nam DUA hai.

Woh aisa rehman aur raheem aur aisa aadil hai k jaisay WOH chahta hai k Uski bat ko banday ghor say sunein WHO apnay bundon ki bat ko bhi puri twajjo say suntan hai.

USKA  QOL  WAHI KEHLATA HAI

BANDAY K QOL KA NAM DUA HAI

Dono qol Usko mehboob hain , magar banday ka qol Usay itna pyara hai k  DUA KA SUNNA AUR USAY QUBOOL KERNA USNAY APNAY OOPER WAJIB KER  LIA HAI.

Banday k sunnay mein khalal (disturbance ,noise) ka imkan  hosakta hai magar Qadre Mutlaq ki samaet bay nuqs hai bay aib hai.

Who bay niaz , bandon ki itni perwah kerata hai k Usnay bandon ko talab e qubooliat ka hukm diya hai.

Who meherban, rag e garden say qreeb honay bawajud chahta hai k hamari awaz ,( khafi aur jali ) her andaz mein sunay . Woh namangnay walon say bayzar hai mangnay walay ,her lamhay Us say qareebtar hotay jatay hain.

Banday ka mangna ,ALLAH KI BARGAH mein hazri ka aizaz hai ,bandagi ka amali izhar hai  ,apnay sahib e izzat honay ka suboot hai,apnay iftekhar ka elan hai.

Dua  Khaliq aur makh;ooq k rishtay ko istawar (in continuation) rakhti hai aur itna mazboot banadeti hai k ALLAH banday ko apna KHALEEL bana layta hai bulkay is say bhi barh ker apna HABEEB bana layta hai.

Jannat mein koi bhi apnay amal ki bunyad per nahi dakhil hoga, uska dakhla mehez ALLAH k lutf aur fazal ki asas (base) per hoga aur ALLAH k lutf o fazal ko hasil krnay ka wahid zarea’ (means) DUA hai. Shqawat (Allah ki rehmat say doori) ko Sa’dat mein badalnay ka aik hi tareeqa hai….DUA.

Her amal say pehlay uska ILM hasil kerna chahiyay ILM k sath qaleel (less) amal bhi nafa (benefit) dayta hai aur jehel kaseer amal ko bay faeda bana dayta hai.

 Dua ki marfat hasil kero ,Dua k a’dab seekho phir Uski Bargah mein a’jzi (humbleness) k sath hathon ko buland kero Dil ko past kero aur mango, ilteja (request) kero zid na kero,apni khwahish ka izhar kero magar USKI  khwahish ka ehtram kero aur mannay k liyay amada raho

YAQEEN RAKHO WOH TUMHARI KHWAHISH KO APNA HUKM BANA KER TUMHARI HER TAMANNA KO PURA KERDAY GA  QUNKAY WOH REHMAN AUR RAHEEM APNAY WADAY K KHILAF NAHI KERTA.!!!!

Wa ma taufiqi illahbillah.

TAQWA

Mohabbat aur chahat ki bunyad per khalq honay wali makhlooq say khaliq ko kitni mohabbat hai yeh sirf khalq kernay wala janta hai .Makhlooq tau sirf utna hi jan sakti hai jitna khaliq usay bataday. Insan ko khalq kernay k ba’d Usnay naz kertay huay elan kia k Hamesha qaem aur daem rehnay walay ALLAH nay INSAN ko behtareen taqweem (best possible form) per khalq kiya hai.

 Jis ka ILM  lamehdood ho, Jo Ainayilm ho jab Woh ahsan (the best) kahay tau mehdood aql kahan tak perwaz keray kahan tak apni bulandi ka ehsas keray..Qeemat aur qader ka ta’ayyun (fixation) kesay ho? Anmol (price less ) yeh alfaz sidq e dil  say apni bay bazaeti (limitation)per nadim hain .

Qeemat k tanasub say shay ki hifazat ka khayal hota hai,magar yeh tau bayjan cheezon ka zikr hai. Aulad cheez nahi hai  yeh ALLAH ki nayabat mein ,waldein ki haseen takhleeq hai ,isiliay uski sirf hifazat nahi ki jati us say mohabbat hoti hai .Kia koi is mohabbat ki qeemat ka ta’ayyun kersakta hai? Kia dil kabhi aulad say ghafil hota hai .. Aulad na.’ferman ho tau dil phir bhi uski islah k liay tarapta rehta hai. Jab tumehain itni mohabbat hai tau soncho ALLAH ko tumsay kitni mohabbat hai .

Kia is mohabbat ki jan say barh ker qadr aur hifazat nahi kerni chahiay .Kia dil mein yeh khauf aur dar nahi hona chahiay k hamara koi amal ,US REHMAN AUR RAHEEM ki nazar-e lutf o inayet say humein mehroom na kerday , yeh mehroomi dozakh ki a’ag say ziyada takleef denay wala azab hai. Is mohazzab (character building) dar aur khauf ko dil mein basalenay ka nam TAQWA hai.

Kon hai jo ALLAH ki manzilat jannay k ba’d bhi USKA khauf na rakhkhay.

Kon hai jo janta hai k ALLAH kia hai, phir bhi usper USKI haibat tari nahi hoti.

Kul izzat k malik ALLAH ki nazar mein agar koi sahib e izzat hai tau sirf muttaqi ,qunkay who adl k qareeb hota hai.

Qura’n muttaqi ko hidayet deta hai.

ALLAH sirf muttaqi say amal ko qubool kerta hai aur ussay mohabbat kerta hai.

WAMA TAUFIQI ILLA BILLAH.

TAWHEED

Ilm o marfat k husool mein hawas e khamsa(5 senses) mufeed or kara'mad honay k bawajood  Ain e Ilm ,ALLAH, ki marfat mein baybus o lachar isliay hain  k har hiss (sense) ki had (limit) hai aur ALLAH hadon  ka khaliq hai , khud unsay mawara(above) hai. Har koshish karnay wala puri tawanai (energy) serf karnay k ba'd apni a'jezi ka elan kertay huay kehta hai "Teray ALLAH honay ki daleel hi yay hai  k TU hawas ki ponhonch say bohot buland hai." Baseerat hi Tujh say qareeb kerti hai ,basarat her had per thokar khati hai.
TUJHAY aik nahi kaha jasakta ,k aik taqseem hojata hai,aur jo taqseem hoja'ay woh ALLAH NAHI HAI.
TU nay khud bataya hai k tu AHAD hai wahid nahi hai. YAKTA hai UNIQUE hai.
Hum nay teray liay sar bhi tasleem (surrender) kia hai aur Dil bhi,takay jab hum zaban say iqrar karein tau TU hamaray senon k ander jhank ker hamaray EEMA'N ka gawah ban ja'ay , aur phir TU jab hamsay ye kehkar mukhatib ho "ay woh logon jo eema'n la ay ho" tau ham is kalam ki shereni ko mehsoos kersakein aur teray is lutf  o ehsan  per ,apni her khwahish ko mita dein qurban ker dein , aur TERI khwahish ko qubool kerlein,takay hamari ebadat SHIRK say pak hoja'ay.
TU WAHDAHU LASHAREEK HAI.
  WA ma taufiqi ILLA BIL LAH

Feedback

Dear ALL,
Thanks for encouraging ,energizing words which are helping  me preparing for understanding TAWHEED and then  TAQWA.
Wasslam

ISLAM EEMAN AQEEDA

ISLAM         EEMAN      AQEEDA

ALLAH  jis  nay  humein  apni  sifat  ‘HAIEE’  say  hayat  ata ki  aur moqa  diya  k  hum bhi Uski  tarah  baqi reh  sakein , hamaray liay zindagi guzarnay ka aik tareeqa (DEEN )pasand kia aur uska nam  ISLAM  rakhkha  aur hamara nam ‘muslimeen’ rakhkha.

Humari  roohon say apni rububiat ka iqrar liya aur dunya mein  fitrat-e Islam per dakhil kia. Is wa’aday  k sath k  ‘hidayat’ dena meri zimmaydari hai .MEIN ‘kitabain ‘ bhi bhaijunga aur ‘anmbia’ bhi bhaijjunga, jinki sachchaie ko pehchan nay k liay tumhein aql ata ki hai,aur phir qayamat mein mulaqat hogi takay  jaza aur saza ka amal ho. In baton k  zabani iqrar ka nam Islam hai.Jis nay haqeeqat ko tasleem kar liya woh muslim aur jisnay chupa liya woh kafir  hai. Dil say inkar aur zaban say iqrar kernay wala munafiq hai aur sabsay ziada ALLAH ki rehmat say door hai.

Jab bat zabani iqrar say barhkar dil mein dakhil hojati hai tau WOH jo dilon k hal say waqif hai is kaifiat ko  EEMAN  kehta hai .Dil say bat qubool kernay k liay koshish kerni parti hai,or yeh koshish ALLAH ko  itni mehboob hai k  jab bhi humsay mukhatib hota hai tau ‘ay muslimeen’ nahi kehta bulkay kehta hai”ay woh logon jo EEMAN la ay ho “.

Dil ka kisi bat ko qubool kerna  asan nahi hai,aql her marhalay per sawal karti hai aur jbtak tasallibakhsh jawab na milay dil qubool nahi kerta.Aql k madarej hain,her aql aik derjay per nahi hai( isliay aql ko bhi hadi ki zarurat hai) ,dil aql ka jo jawab qubool kerlay woh AQEEDA banjata hai, isiliay aqeeday ki tehqeeq zaruri hai. ALLAH  ko  ahad mannay walon k aqaed ALLAH k baray mein isiliay mukhtalif hain qunkay  unhonnay apni aql k mutabiq ALLAH ko pehchan nay ki koshish  ki hai.Agar sab RASOOL ALLAH k bad MASOOM HADI per  EEMAN latay tau sab ka aqeeda aik hota. NABI  AUR  KITAB  ANAY KA SILSILA KHATAM HOGAYA.HIDAYAT KA SILSILA JARI HAI. QURA’N  aaj bhi sada day raha hai “ay who logon jo eeman la ay ho, eeman lao ”

EEMAN k darjay hain .Dil may yaqeen jitna barhta jata hai aqeeda utna pukhta hota jata hai aur eeman usi relation may barhta jata hai.Kamzor  aqeeday  walay yaqeen say mehroom hotay hain isiliay unka eeman barhta ghat ta rehta hai.

ALLAH ka aik banda esa bhi hai,jisnay kaha “agar hijabat hata diay jaein tab bhi meray yaqeen mein zar ra baraber izafa nahi hoga “ isiliay woh RSOOL ALLAH k alfaz mein KUL LE EEMAN kehlata hai.

 WAMA TAUFIQI ILLABILLAH

TAWAKKUL

Tawakkul
Yeh lafz hamari sama'aton say aksar takrata hai,"takrata" meinay mahavaratan nahi kaha bulkay haqeeqatan kaha.Agar awaz kan mein dakhil ho lekin sunnay wala aur sunanay wala,dono mani or mafhoom say ghafil hon,tau yeh lafz ka sama'at say takrana hi hai.
Kitnay chehray hain jo ma'yusi ki tasveer hain,kitni zabanein hain jo peham gilay shikway kerrahi hain magar eylan yeh hai k "tawakkul" hi hamara shayva hai.Mutazad (contradiction) k ittehad (unification) ki ye ajeeb surat hai.
Qadam uthanay say pehlay, ALLAH ki ata ki hui aql k zareay ,apnay maqsad(objective) ko khoob achchi tarah apnay ooper wazeh karo,
maqsad k tanazur(context) mein apni salahiaton ka tanqidi (critical) jaeza lo ,jahan kami nazar a'ay improve karo,ye asbab ki dunya hai,yahan nateeja cause & effect ki bunyad per nikalta hai.Allah her shay per qadir hai magar insan ka ilm bhi qaleel hai aur salahiat bhi mehdood.
Jitna bhi ilm aur salahiat hai usay bherpur tareeqay say istemal kertay huay ,puray ikhlas k sath ALLAH say tawassul karo aur iqdam ker dalo.
ALLAH per bharosa karo,yaqeen rakhkho WOH apnay munkir ki mehnat aur koshish ko bhi zaya nahi kerta.
Ab woh merhala hai jo haqeeqatan mushkil hai ,nateejay ka intezar apni bharpur koshish k silay k taur per na karo  bulkay USKI RAZA AUR MASHEEAT ko qubool kernay k liay apnay aap ko , ye yaqeen rakhtay huay, amada rakhkho k hamara WAkEEL(mafad ki hifazat kernay wala) REHMAN AUR RAHEEM ALLAH hai.
Agar yaqeen kamil ho tau zaban per shikwa nahi hoga,chehra udas nahi hoga.

WA MA TAUFIQI ILLA BILLAH --ALALLAHAY ATAWAKKAL.

DIFFERENCE --ISLAM -EEMAN- AQEEDA

Dear Lovers of  Islam, thankyou for great response,enthusiasm and appreciation.THANKS FOR YOUR PATIENCE also.Will revert soon with my humble understanding on the above subject , Inshaallah.
Wa ma taufiqi illabillah.

WASEELA

Apnay maqsad (Objective) ko panay k liay usay samajhna sabsay pehla qadam hai.Jitna maqsad wazeh hoga usay panay ki koshish usi munasbat say merboot(relevant) aur samarbar (fruitful) hogi.Jo ALLAH ki zat tak pohonch ker ,Qura'n ki wazeh nafi k bawajud,Uska deedar kerna chahtay hain ,unhonay khahish ko deen samjha hai aur isi liay wajibat/ faraez  ko Ustak pohonchnay ka WASEELA (means of access) samajhtay hain.
Jabkay Qura'n Eeman lanay walon ko hukum  deraha hai k Taqwa ikhtiar kernay k ba'd WASEELA talash karo .Qura'n ki nigah mein "muttaqi"woh hai jo GHAIB (unseen)per eeman rakhta hai
SALAT qaim karta hai,
Uskay diay huay RIZQ say INFAQ karta hai,
jo kuch RAsool ALLAH per ya unsay qabl nazil hua usper Eeman rakhta hai,
A'KHRAT per YAQEEN rakhta hai,
Khulasa yeh hua k  Eeman aur Taqwa k saray taqazay puray karnay k b'ad WASEELA talash kernay ka hukm dia gaya hai.
Yeh bhi wazeh hogaya k Eeman aur taqwa k tehet puray khuloos say kiay gaey a'ma'l Uski bargah mein bagher waseelay k nahi pohonch saktay,qubuliat ki manzil tau issay a'gay hai.
Hidayat ki zimmaydari Usnay khud li hai,batni hadi( AQL) ata kerdi hai,fajoor aur taqwa ka ilham ker dia hai, sabeel  dikhaker "ikhtiar" ata ker dia hai , qunkay"jabr " Us REHMAN aur RAHEEM ko pasand nahi,AB taqaza kerta hai k "Waseela" dhoondo takay FALAH pao.
ISLAM k safar ki ibteda marfat e TAUHEED say hoti hai. JISKAY waseelay say TAUHEED hamtak ponchi WOHI "AHAD"tak pohonchnay ka WASEELA hai.
Yad rakhkho ALLAH ko apni tauheed sabsay ziyada azeez hai ,itni azeez k jisko apni marfat k liay khalq kia USKAY NOOR ko bhi TAQSEEM kerdia. JISKA koi KUFV nahi tha USKAY liay apnay WALI ko KUFV qarar dia takay AHAD sirf wahi rahay.
YA ALLAH MEIN TUJHSAY SAWAL KERTA HUN AUR TERI TARAF MUTAWAJJAH HOTA HUN TERAY NABI- E - RAHMAT MOHAMMAD SALLALLAHO ALEHAY WA A'LEHI WASALLAM K WASTAY SAY. AY ABAL QASIM, AY RASOOL ALLAH,AY IMAM E RAHMAT,AY MERAY SARDAR, AY MERAY MAULA ,HAM A'PKI TARAF  MUTAWAJAH HUAY SHAFAT CHAHI,  TAWASSUL KIA ALLAH KI TARAF AUR APNI HAJA'T KO A'P K SAMNAY PESH KARDIA,AY ALLAH KI BARGAH MEIN IZZAT WALAY HAMARI SHAFAET FARMAEY ALLAH K PAS.
PS:Feel free to ask for refrences.Any questions are cordially invited.

RIZQ AUR INFAQ

Jis nay khalq kia hai wohi janta hai k makhlooq ki ehtiaj kia hai.Sab mohtaj hain ,sirf WOH  munazza anil ehtiaj hai,GHANI hai ,SAMAD hai.Her wajood "mumkin"hai,Uska wajood "wajib"hai.Kul makhlooq apnay wajood k honay mein aur usay barqrar rakhnay mein Uski mohtaj hai.ALEEM o KHABEER hi janta hai k  jis maqsad k liay khalq kia hai uski zaruriaat kia hain,isliay kaenat mein basnay wali her makhlooq ka RIZQ Usnay apnay zimmay laylia hai.Denay ki zimmaydari Uski hai,bantnay ki zimmaydari Woh jisay chahay dayday.
Her makhlooq ka rizq aik jaisa nahi hai.Sab ko apni zaroorat k mutabiq rizq diya jata hai.Aik mohtaj jo khud apni ehtiaj ko nahi janta woh doosray ki ehtiaj ko kaisay samajh sakta hai,kia farishta ashraf ul makhlooqat  Insan ki hajatrawai karsakta hai ?Isiliay tau RAZZAQ sirf ALLAH hai.
Insan "jism" aur "rooh" ka majmua hai.Jism ki namu(growth) k liay bhi rizq chahiay aur rooh k liay bhi.
Sirf "maal"ko rizq samajhna kamfehmi hai. Agar yehi matlab hai tau phir Shaheed apnay RAB say kia rizq pata hai? Ham maysay aksar zinda hotay huay bhi nigah e Quran mein murda hain ,jabkay shaheed ki hayat ka gawah ALLAH hai aur daleel "rizq" hai.
ILM sabsay ziada  nafa bakhsh rizq hai.ALLAH k Rasool ki duaa  aaj bhi yehi hai"rabbay zidni ilma"O'Lord grow me in ilm.
ALLAH jab hukm deta hai  k " hum nay tumhain jo kuch bhi  rizq diya hai usay kharch(infaq) karo" tau  Woh sirf maal kharch(INFAQ) karnay k a hukm nahi dayraha hai,Woh AINAY ILM   saheb e ilm ko  hukm day raha hai k ILM bhi banto.
Ilm ka hasil karna isiliay "farz" hai.Agar jholi khali hogi tau kia banto gay.Yeh tau samajh tay hi ho k denay wala hath lenay walay hath say behter hota hai .Denay wala hath ALLAH ka hath hai.

ITAET aur IBADAT mein farq hai.

  FROO E DEEN  [Namaz , Roza,Haj,Zakat,etc.]  ko  qunkay Shreeat ki istalah (terminology) mein IBADAT
 kay Unwan kay zail mein bayan kiya jata hai isliay zehnon mein ibadat ka yehi mafhoom aur matlab itna  rach bas gaya hai k is intehaie aham aur jamay lafz k haqeeqi  mana tak pohonchnay ki koshish hi nahi ki gaee aur na yeh jannay ki justuju hui k itaet aur ibadat mein kia farq hai.Yad rakhkho baghair marfat koi amal ALLAH ki bargah mein qubool nahi kiya jaeyga.
Quran bar bar ghoro fikr ki dawat deta hai lekin ham twajjah hi nahi kartay ,kiya yeh ALLAH k hukum ki nafarmani nahi.ALLAH nay jab ibadat  k liay khalq ki janay wali makhlooq ka zikr kia tau sirf insan aur jin ka nam lia halankay farishtay  qyam kartay hain,ruku kartay hain,sajda kartay hain  Bait ul mamoor ka tawaf kartay hain aur tasbeeh o taqdees bhi kartay hain, agar inmay say koi amal bhi ALLAH ki nigah mein ibadat hota tau ALLAH jin aur insan k sath farishton ka zikr zroor karta.Zikr isliay nahi kia k farishtay itaet kartay hain
ibadat nahi.
Insan aur jin itaet bhi kartay hain aur ibadat bhi.Ibadat  k liay khwahish aur irada  bhi chahiay ,farishtay k pas Aql tau hai khwahish nahi hai,insan aur jin k pas dono hain, isliay unhain ibadat k liay khalq kia gaya hai.Insan ko jin par yeh fazeelat hasil hai k uski khilqat khud ALLAH ki nigah mein sabsay behtreen hai (ahsan ul taqweem ) is bina par INSAN ashraf ul makhluqat kehlata hai .
ALLAH k hukm ko manna itaet hai aur apnay iraday   aur khwahish say ALLAH ki merzi ko samajh kar amal karna ibadat hai.
Hazrat Ibrahim A.s.agar khwab dekh kar Hzrat Ismail A.s. ko zabah kardetay tau yeh amal itaet hota lekin betay say yeh poochna k tumhara kia khayal hai daleel hai k mein tau amal khoob sonch samajh kar kar raha hoon , tum bhi achchi tarah ghor karlo takay apnay iraday or khwahish k tehet zabah hona  sabit hojaey aur ham dono itaet say bulund hokar ibadat k darjay mein dakhil hojaen.
Bhookay ko khana khilana ALLAH ki zimmedari hai lekin agar uskay iraday or khwahish ko samajh kar tum bhookay ka pait bhardo! ,namaz parhi tau apna kam kiya ,apnay aap ko saza say bachaya lekin khana khilaya tau ALLAH ka kam kia,khud soncho konsa amal buland hai.IBADAT ki kitni oppurtunities hamaray gird bikhri hui hain inhain samait lo .

SHAFAET MOMIN ki HELP LINE

Shafaet ka wada bay amali ko jurat aur sirf zabani iqrar ko  sahara denay k liay nahi hai bulkay amal karnay walon ka walwala or hosla barhnay kay liay aik tuhfa e ALLAH o RASOOL hai. . Shafaet ,Ilahi nizam e Adal ko barham karnay ka nam nahi.Apnay aap ko Ilm o amal mein musalsal agay barhatay rehnay ki koshish na  karna  Jehl par israr hai. Jahil bay bunyad ummeed par waqt ko zaya karta hai,khwahish ko deen samajhta hai ,rsamein eejad karkay un amaal ko taqarrub ka zarea samajhta hai jinka zikr Quraan ,shreeat aur Ahle bait ki taleemat mein nahi milta.Masoom fermatay hain ,roz e Qayamat mein pechanloonga momin ko aza e wazu say,aaj ka momin kehta hai ,hamari pehchan senay ka daag hai ,peeth ka zakhm hai, juloos hai.
Dunya  UMMEED per qaim hai lekin AAkhrat  AMAL per.
Momin ko bhi ummeed hai,Ilahi waday ki bunyad per, k koshish karkay ITTEBA mein jo amal kia hai,usmein jo kami  rehgai hai usay Rasool o Ahle bait  ki  SHAFAET pura kardegi. ALLAH hamaray amal ko qubool karlega quoonkay RASOOL  ALLAH AUR AHLEBAIT hamaray amal ko apnay amal mein  milakar ALLAH kay huzoor mein pesh karengay aur qubooliat yaqeeni hai.
Shafa Shafaet ka root word hai jiska matlab hai "zam ush shay ila misleh" yani" to join a thing to its like".
Amal say jholi ko bharlo agar jholi khali rehgai to Shafaet karnay walay kis cheez ko apnay amal say milakar ALLAH  k huzoor pesh karengay.

GHOR KARO, SAMJHO AUR FAISLA KARO

Har ze Nafs aur  ze Aql azad hai k apnay baray mein Faisla karay k woh Aqa banna chahta hai ya Ghulam.
Khoob ghor karlo aur samajhlo k azadi ka mafhoom aur matlab kia hai aur ghulami k kia maani hain.Apnay gird logon par nazar dalo,sirf basarat say nahi baseerat say,tum par khul jaega k azadi ka  dawa karnay walon ka
kirdar unki ghulami ka munh bolta suboot hai, aur kitnay ghulami par fakhr karnay walay aisay hain k azadi ko unsay sharam aati hai.Yeh ijmal hai tafseel tumharay gird bikhri pari hai.Ghor karo aur apnay liay Faisla karo.

AQEEM US SALAT

Subhan ALLAH,ab aik or dimension say ghorkaro .Pehli Takbeer or salam e aakhir tak hum dunya mein hotayhuay bhi dunya ki taraf tawajjah nahi kartay sara dhyan ALLAH or USKI itaet/marzi ki taraf hota hay,kharay hotay hain jhuktay hain bethtay hain, woh sir jo har waqt baland rehta hai zameen per rakhdetay hain, bat(tilawat) kartay hain duaa mangtay hain, magar jo kuch bhi kartay hain sirf ALLAH say ya ALLAH kay liye kartay hain.Jab hamnay aankh kholi thi tau AAzan o Aqamat ki awaz hamaray kanon mein aai thi or jab aankh band hogi tau phir hamaray jism ko samnay rakhkar ALLAH O AKBAR ki sada baland hogi,AGAR AANKH KHULNAY OR BAND HONAY KAY DARMIYAN IS DUNYA MAY REHTAYHUAY HAMARA SUKOOT,HARKAT ,KHAMOSHI ,KALAM SIRF ALLAH KAY LIYE THA TAU HAMARI HAYAT SALAT HOGAI YANI HAMNAY NAMAZ QAIM KARDI ALHAMDOLILLAH . Yad rakhkho apni koshish ko sabit karna hamara kam hai.ALLAH itna KAREEM hai kay TAUBA kay bad guzashta ko bhula deta hai mita deta hai.REHMAN O RAHEEM hamaray amal ki ibteda ko inteha kay darjay per qubool karta hai .Hamara SHAFEE ALLAH ka Rasool or uskay Ahlabait hain.

ILM per AMAL mushkil hai

Lafz  bayjan nahi hota ,serf  karnay walay k  zehen ka terjuman hota hai, jitna tawana zehen utna hi hayat say bherpur lafz. Pehlay lafz ko koi wajood bakhshta hai phir lafz uski hayat ka zamin banjata hai.Kitni shakhseatein khak hogaein magar ham aaj bhi  unkay alfaz ko duhrakar unki hayat ki gawahi detay hain or apni hayat ko taqatwer banatay hain. Jab fani wajood kay lafz mein yeh asar hai, tau HAYAT ko hayat bakhshnay walay         HAYEE  E  LAYAMOOT  ka aik aik lafz kitna purasar hoga.USKAY ALFAZ   K  MAJMOOAY KA NAM QURAAN hai.Yeh alfaz  ALLAH k terjuman hain,Allah ka zehen /MASHEEAT ko samajhna or phir us ILM per AMAL mushkil hai .Smjho aur samjhao.

Aaghaz-e-safar

Ibarat par mat atko. Maani tak pohanchne ki koshish karo: LA ILAH ILLA ALLAH
Do not stick to words only. Try to find out the meaning.